आज तुझा bday आहे बाळा.! तुला खूप शहाणपण, आनंद, समाधान आणि यश मिळो. तू आयुष्यात हेच शिक, तेच शिक असा आमचा कुठलाही दबाव नाही. पण कुठल्याही एका शिक्षणात, कलेत, खेळात इतकं मनापासून काम कर की तुला त्याचे समाधान लाभत राहो.
आई आणि बाबाकडून खूप खूप प्रेम!!❤️🎈📚🖌️🖋️☀️
मी तुला सांगितले की मी केक घेऊन येतो. तेव्हा म्हणालास, "नुसता बाबा नाही जाणार.. कणाद आणि बाबा जाणार."
मग आपण दोघे गेलो. तो केक घेतल्या घेतल्या तुझ्या डोळ्यात असणारा आनंद अवर्णनीय होता. ३ वाजता केक आणला. आणि फ्रीजमध्ये ठेवला. तेव्हापासून मला सारखे विचारत होतास की happy bday पाहिजे खायला. मी म्हणायचो की अरे सगळे आल्यावर तू कट करणार मग आपण खाणार. तर या दोन तासात तू 10 वेळा रुसून बसलेला आहेस. आणि दोन वेळा फ्रीज मधून बाहेर काढून बॉक्स फोडायचा प्रयत्न केलास.😀
२८ जुलै २०२६)
हा तुझ्या शाळेतून पाठवलेला फोटो. तुला मुले रांगेत बसतात तसे बसायला आवडत नाही. सकाळीच म्हणत होता की बाबा मला शाळेत बसायचं नाही. उभे राहायचेय..😀
१६ ऑगस्ट २०२६)
आज तुला पहिल्यांदा तुझी स्पंदने feel करायला सांगितली.
"कणाद हे बघ.. छातीवर हात ठेव. कसं धडधड वाजतेय."
तू छातीवर हात ठेवलास आणि खुश होऊन म्हणालास "बाबा वाजतंय आत. काय आहे आत?"
मी म्हटलं, "हृदय"
"हृदय..? तुला पण आहे?"
म्हटलं, "हो..सगळ्यांना असतं.! मग माझी आणि आईची दोघांची स्पंदने ऐकलीस."
कालपासून दोन-तीनदा हात लावून म्हणालास..."बाबा.. हृदय वाजतेय."
By the way.. तुझं हृदय खूप प्रेमळ आहे!❤️